Luftë kibernetike SHBA-Kinë, FBI: Hakerat kinezë vunë në shënjestër infrastrukturën

Shtetet e Bashkuara kanë arritur të neutralizojnë përpjekjet e një grupi shtetëror hakerash nga Kina, të cilët vinin në shënjestër infrastrukturën amerikane, si për shembull elektricitetin dhe naftësjellësit.

Drejtori i përgjithshëm i FBI-së, Christopher Wray u tha ligjvënësve se kishte ekzekutuar një fushatë për asgjësimin e grupit të quajtur “Volt Typhoon”.

Ky i fundit ka depërtuar në akse të vjetra elektronike për të pasur askes tek asetet amerikane, ka deklaruar shefi i Byrosë Federale të Hetimit.

Nga ana e saj, qeveria kineze nuk u është përgjigjur akuzave, por më parë ka akuzuar luftën kibernetike të sponsorizuar nga Shtetet e Bashkuara, të cilën e ka cilësuar si “mbretërinë më të madhe të hakerimit në botë”.

Zoti Wrej tha përpara komisionit parlamentar se Kina qëllimisht po shtronte terrenin për të depërtuar në sistemin e infrastrukturës amerikane.

Përpjekjet e “Volt Typhoon” për të hakeruar u zbuluan për herë të parë majin e kaluar, pasi kompania “Microsoft” paralajmëroi se grupi kishte vënë në shënjestër asete të shumta, përfshirë komunikimet me e-mail të zyrtarëve qeveritarë.

FBI deklaron se grupi kishte hyrë në një gamë të gjerë të infrastrukturës kritike të Shteteve të Bashkuara, përfshirë atë të ujësjellësve, elektricitetit, sistemit të transporteve, telekomunikacionet dhe naftë dhe gazsjellësit.

LEXONI GJITHASHTU:

• FT: Zelensky po përgatitet për të zëvendësuar Komandantin e Përgjithshëm të Ushtrisë
• Kush është gjenerali që po kërcënon Zelenskyn? Analisti: E duan qytetarët, superhero