Luftë për pushtet në Kiev, përplasja mes Zelenskyt dhe “gjeneralit hero”

Presidenti ukrainas Volodymyr Zelenskyy shprehet se ai po mendon të shkarkojë nga detyra ushtarakun më të lartë të vendit, në kuadër të ndryshimit të udhëheqjes së ushtrisë, një opsion që ka tronditur vendin dhe gjithashtu ka shqetësuar aleatët perëndimorë të Ukrainës.

Në një intervistë në rrjetin televiziv Rai në Itali, Zelenskyy konfirmoi se po mendonte për largimin e gjeneralit Valerii Zaluzhnyi, komandanti i forcave të armatosura të Ukrainës.

Ai tha se po shqyrtonte një vendimmarrje të tillë për të siguruar që vendi të vazhdojë të udhëhiqet nga individë që janë “të bindur për fitoren” kundër Rusisë. Një vendim  i tillë ka shkaktuar zemërim në Ukrainë dhe nxitur entuziazëm në Kremlin.

Gjenerali gëzon respekt të gjerë në mesin e forcave ushtarake ukrainase dhe konsiderohet një hero kombëtar.

Atij i njihet merita për pengimin të sulmit në shkallë të gjerë nga Rusia gjatë ditëve të para të agresionit, si edhe zmbrapsjen me mjeshtëri të trupave të Moskës. Kryetari i bashkisë së Kievit, Vitalii Klitschko kritikoi mundësinë e shkarkimit nga detyra të gjeneralit Zaluzhnyi, duke thënë se falë udhëheqjes së tij “shumë ukrainas u besojnë vërtet forcave të armatosura”.

Në media përflitet se gjenerali  konsiderohet edhe si një nga personat që mund të zëvendësojë Zelenksyn si president dhe i gjithe zhvillimi shihet si nje luftë per pushtet brenda Ukrainës.

LEXONI GJITHASHTU:

• FT: Zelensky po përgatitet për të zëvendësuar Komandantin e Përgjithshëm të Ushtrisë
• Luftë për pushtet në Kiev, përplasja mes Zelenskyt dhe “gjeneralit hero”