Luftime të ashpra në Kharkiv: Thyen forcat ukrainase, avancon Rusia

Pjesët perëndimore dhe veriore të Vovchansk në rajonin Kharkhiv të Ukrainës kanë rënë nën kontrollin e forcave ruse, raporton agjencia shtetërore e lajmeve TASS.

Ushtria e Ukrainës ka thënë se situata në qytetin Vovchansk është nën kontroll, por është dashur të tërhiqet në pozicione të reja pranë fshatit Lukyantsi për shkak të sulmeve të rënda ajrore.

Luftimet po vazhdojnë në rrugët e qytetit, raporton TASS.

Qyteti i sulmuar i Vovchansk, në verilindje të Ukrainës, është vendi ku trupat e Kievit janë tërhequr në beteja intensive me ushtrinë ruse.

Rusia nisi një sulm masiv përgjatë kufirit verilindor të Ukrainës në rajonin e Kharkiv.

Ministria ruse e Mbrojtjes tha të shtunën se forcat e saj kishin marrë pesë fshatra kufitare në rajonin e Kharkivit.

Drejtuesi i ushtrisë ukrainase, Oleksander Syrskyi tha të dielën se forcat ukrainase po bënin gjithçka të mundshme për të mbajtur vijën e frontit.

“Njësitë e Forcave Mbrojtëse janë angazhuar në luftime të ashpra për të zmbrapsur përpjekjet e pushtuesve rusë për të çarë vijën mbrojtëse dhe i kanë ndalur ata”, shkruajti zoti Syrskyi në rrjetin Telegram.

“Situata është e vështirë, por Forcat Mbrojtëse të Ukrainës po bëjnë gjithçka për të mbajtur pozicionet mbrojtëse dhe për t’i shkaktuar dëm armikut”, shtoi ai.

LEXONI GJITHASHTU:

• Luftime të ashpra në Kharkiv, Rusia pretendon për avancim: Morëm 5 fshatra
• Më shumë se 2.500 njerëz janë evakuuar nga rajoni i Kharkivit të Ukrainës