Luftimet në Gaza/ Forcat izraelite: Kemi vrarë një “krijues” të armëve të Hamasit

Forcat e Mbrojtjes së Izraelit pretendojnë se kanë vrarë një “krijues të lartë të armëve të Hamasit”.

Sipas mediave të huaja, lajmi është bërë i ditur në përditësimin e mëngjesit të sotëm të zhvillimeve të luftës.

“Bazuar në inteligjencën ISA dhe IDF, një avion luftarak IDF vrau Mohsen Abu Zina, kreun e armëve dhe industrive të Hamasit”, thuhet në një deklaratë.

Po ashtu në njoftim thuhej se se Mohsen Abu Zina shërbeu si një nga “zhvilluesit kryesorë të armëve” të Hamasit dhe “ishte një ekspert në zhvillimin e armëve strategjike dhe raketave të përdorura nga Hamasi”.

Megjithatë ky raportim nuk është verifikuar në mënyrë të pavarur.

IDF tha se trupat e saj drejtuan gjithashtu aeroplanët drejt dy “qelizave” të Hamasit që po përpiqeshin të gjuanin me armë antitank dhe raketa ndaj tyre, ku mbetën të vdekur disa luftëtarë.

Kujtojmë se me mijëra persona kanë humbur jetën në Palestinë dhe Izrael gjatë luftimeve të ditëve të fundit në Gaza.

LEXONI GJITHASHTU:

• Zelensky: Konflikti Izrael-Gaza po tërheq fokusin prej konfliktit në Ukrainë
• Izraeli refuzon thirrjen e SHBA-së për pauzë humanitare dhe vijon sulmet