Presidenti gjerman Frank Walter Steinmeier ka mbajtur fjalën e tij në Kuvendin e Shqipërisë.
Ai tha se sukseset janë të dukshme në vendin tonë, ndërsa theksoi se duhet të punohet edhe më shumë ndaj luftës kundër krimit të organizuar dhe korrupsionit.
Më tej, presidenti gjerman bëri një thirrje edhe për opozitën dhe qeverinë.
“Sukseset janë dukshëm të identifikueshme. Keni realizuar reforma administrative, është ngritur një prokurori speciale për luftën kundër korrupsionit dhe krimit të organizuar. Vendi juaj do të jetë një partner mjaft i besueshëm në BE. Ju lutem, vazhdoni të punoni më tej në luftën kundër pengesave, atje ku ato ndodhen; punoni në sprapsjen e korrupsionit dhe krimit të organizuar; vijoni reformën në drejtësi dhe punoni përtej llogoreve mes opozitës dhe qeverisë. Mendoj se për destinacionin drejt BE-së ia vlen të bëni këtë përpjekje”- tha ai.
LEXONI GJITHASHTU:
- Steinmeier mban fjalën në Kuvend: Mbi 70 mijë shqiptarë jetojnë në Gjermani
- Steinmeier: Jemi në krah të Shqipërisë, ju mbështesim në rrugëtimin europian
