Luhatja e vlerësimit për PS, Mazniku: Sa afrohen zgjedhjet votuesit polarizohen

Nënkryetari i Bashkisë së Tiranës Arbjan Mazniku ishte i ftuar këtë të hënë në emisionin “Barometri”  në Euronews Albania për të diskutuar rreth sondazheve të fundit.

Ai tha se sa herë që i afrohemi ditës së zgjedhjeve, vihet re një ulje e asaj që njihet si fasha gri, ndërsa vihet re një polarizim më i madh te votuesit.

“Teksa afrohet fushata gjithnjë ndodhemi në një moment polarizimi, ka një tendencë më tipike për ta parë nga një pozicion më neutral, palët futen në pozicione më të forta e shikojnë njëri-tjetrin si kundërshtar.

Secila nga palët futet në pozicione më militante, kjo sjell një polarizim të shoqërisë. Opinionet pak më të përgjithshme, fillojnë që treten dhe ndahen në Kryeministri është i mirë, apo i keq. Kjo është tipike sa më shumë afrohen zgjedhjet ne shikojmë polarizim dhe ulje të fashës gri”,-tha Arbjan Mazniku.

LEXONI GJITHASHTU:

• Cila nga partitë është e përzgjedhura e qytetarëve për 14 majin?
• Veliaj – Këlliçi, kush e fiton Tiranën? Projeksionet finale të Barometrit