Lukashenko urdhëron formimin e komandës së re ushtarake në kufi me Ukrainën

Lideri bjellorus Alexander Lukashenko ka urdhëruar të enjten formimin e një komande të re ushtarake në kufirin jugor të vendit me Ukrainën, raporton Reuters.

“Është hapur një front i ri lufte dhe ne nuk mund të mos i kushtojmë vëmendje”, tha Lukashenko gjatë një daljeje publike ku ishte i veshur me uniformë ushtarake.

“Edhe përpara formimit të komandës, ne jemi sot të detyruar, të punojmë për mbrojtjen e kufijve tanë jugorë”, shtoi ai.

Bjellorusia njihet si një prej aleateve më të afërta të Rusisë dhe lejoi forcat ruse të kalonin përmes territorit të saj në rrugën drejt pushtimit të Ukrainës.

Çdo formacion i ri ushtarak në kufi nënkupton zgjerimin e ushtrisë ukrainase në përpjekje për t’u mbrojtur kundër sulmit rus të cilët kanë për objektiv rajonin e Donbasit.