Kryetari i Partisë Demokratike Lulzim Basha, pati këtë të shtunë një takim me sipermarrës, fermerë dhe banorë në Gramëz.
Kryedemokrati theksoi në fjalën e tij se mungesa e mbështetjes për bujqësinë dhe vështirësitë e shumta, kanë bërë që shumë të rinj të largohen nga vendi ndërsa banorët e mbetur mezi e mbyllin muajin.
“Qytetarë të varfër, korrupsion i lartë. Ky është realiteti sot”, – tha kreu i PD.
“Me këtë qeverisje vendi po rrëshqet çdo ditë e më shumë në ekonominë e centralizuar të oligarkëve dhe koncesioneve, duke shpartalluar çdo ditë e më shumë lirinë ekonomike dhe ekonominë e tregut.”
Sipas Bashës, vendimi i Brukselit për pezullimin e granteve për bujqësinë të programit IPARD, tregon babëzinë e kësaj qeverie, që abuzon edhe me fondet e BE.
“Fundi i pandëshkueshmërisë së korrupsionit në nivelet e larta, është fillimi i fundit të tranzicionit dhe ndryshimi i vërtetë që shqiptarët presin.
SPAK nuk duhet të ndalet, por duhet t’i shkojë deri në fund hetimit për dosjet e korrupsionit, që prej vitesh janë në zyrat e saj. Është i domosdoshëm miratimi i një pakete ligjore kundër krimit dhe korrupsionit qeveritar, duke i hequr çdo pengesë dhe dhënë mbështetje të pakushtëzuar SPAK, si për dënimin e korrupsionit edhe për sekuestrimin e pasurive që vijnë nga këto afera”, – u shpreh Basha gjatë bisedës me fermerët e fshatit Gramëz.
LEXONI GJITHASHTU:
- PD prezanton propozimet për Reformën zgjedhore/ Basha: Të sjellim standard europian
- Basha pret delegacionin nga Ukraina: Po përballen me guxim heroik kundër agresorit