Lumi Erzen del nga shtrati në Sukth, disa fshatra në rrezik

Situata në zonën e Sukthit është përkeqësuar pasi lumi Erzen ka dalë nga shtrati, duke përmbytur sipërfaqe të mëdha tokash dhe duke izoluar disa fshatra. Ura e Vardardhës është mbuluar nga uji, duke bllokuar qarkullimin për mbi 1000 banorë të zonës.

Sipas informacioneve paraprake, reshjet intensive të shiut kanë rritur nivelin e lumit dhe kanë përmbytur rreth 4 hektarë tokë bujqësore.

Në një komunikim telefonik për Euronews Albania, prefekti i qarkut bëri të qartë se situata lidhet me shkarkime që vijnë nga Tirana:

“Janë shkarkime që vijnë nga Tirana, është një situatë e përsëritur. Emergjencat janë në terren, si nga Durrësi edhe nga Shijaku. Nëse do të ketë nevojë për evakuime, kemi gati konvaleshencën. Shpresojmë që kjo situatë të kalojë pa probleme”.

Forcat e emergjencave vijojnë monitorimin në terren.

LEXONI GJITHASHTU:

• Thahet lumi Zayandeh, një nga burimet më të rëndësishme të ujit në Iran
• Lumi Vjosë rikthehet në shtratin e vet, situata normalizohet pas 4 ditësh përmbytje