Madona në kujdes intensiv, ylli i muzikës pop shtyn turneun botëror

Ylli i muzikës, Madona ka shtyrë turneun e saj në botë pas qëndrimit në njësinë e kujdesit intensiv si shkak i një infeksioni serioz bakterial.

Ka qenë menaxheri dhe producenti Guy Oseary, i cili bëri me dije lajmin se mbretëresha e popit po rikuperohet nga problemi i saj shëndetësor.

“Të shtunën më 24 qershor, Madonna u diagnostikua me një infeksion të rëndë bakterial që çoi në një qëndrim shumëditor në ICU, “ shkroi ai.

“Shëndeti i saj është duke u përmirësuar, por ajo është ende nën kujdesin mjekësor. Në këtë kohë do të na duhet të pezullojmë të gjitha angazhimet, përfshirë turneun”- ka shkruar ai.

Sipas asaj që bëjnë me dije mediat e huaj, pritet që këngëtarja të rikuperohet tërësisht dhe më pas mund të rishohë planet e saj për koncerte muzikore.

Madonna po përgatitej të niste turneun e saj botëror të 40-vjetorit të “Celebration” muajin e ardhshëm.

LEXONI GJITHASHTU: 

• Si mund ta përdorin diktaturat Chat GPT? Eksperti tregon ligjet që mund ta ndalojnë
• 798 shfaqje artistike në 2022, arrihet rekrod spektatorësh. 3 herë më shumë se 2021