Si mund ta përdorin diktaturat Chat GPT? Eksperti tregon ligjet që mund ta ndalojnë

Eksperti i IT, Tomi Kallanxhi ishte këtë të mërkurë i ftuar në emisionin “Now me Erla Mëhillin”, në Euronews Albania për të folur rreth inteligjencës artificiale dhe politikave që Bashkimi Europian po ndjek në lidhje me të.

Ai tregoi disa nga kufizimet që ChatGPT do ketë dhe tha se frika më e madhe e zhvillimit të kësaj inteligjence artificiale është se mos shtetet kthehen në diktatura.

“Janë 5 ligje në Bashkimin Europian, e para nuk lejohet të ketë një polici prediktive, pra policia nuk mund të gjenerojë informacionet që mbledhë në inteligjencën artificiale, e dyta nuk lejohet të njihen emocionet, të ketë kamera me sensore me gjëra që të njohin emocionet me qëllim manipulimin.

Gjithashtu nuk lejohet të përdoren datat biometrike që kanë shtete të ndryshme për hyrje të ndryshme në internet, Kina po e përdor këtë. E vetmja frikë këtu është që shtetet të mos kthehen në diktatura shumë të mëdha”,-tha eksperti i IT, Tomi Kallanxhi.

LEXONI GJITHASHTU:

• Gazetari:”Chat GPT” ka dije mbinatyrore, si njeriu më i ditur shumëzuar me 10.000
• “U mashtrova! Unë isha burrë me fëmijë”, flet ish-anëtari i Mek: Qëndrova 17 vite…