Majori i dyshuar për drogë në Holandë, reagon Ministria e Mbrojtjes

Majori Ermal Dinoshi, pjesë e Forcave të Armatosura dyshohet se është përfshirë në një veprimtari kriminale për drogë në Holandë, për të cilën autoritetet vendase janë duke e investiguar në gjendje të lirë.

Pyetur nga “Euronews Albania” në lidhje me këtë ngjarje, Ministria e Mbrojtjes ka deklaruar se i ka ndaluar Dinoshit të ushtrojë përgjegjësitë e detyrës në bazë dhe ka urdhëruar kthimin e menjëhershëm të tij në Shqipëri.

Kjo për faktin se ministria është në pritje të një raporti nga autoritetet holandeze.

Gjithashtu, po bashkëpunohet me autoritetet në Holandë për zbardhjen e plotë të ngjarjes dhe marrjen e masave përkatëse ligjore në vijim.

LEXONI GJITHASHTU

• Mafiozi holandez dënohet me burgim të përjetshëm

• Arrestohet holandezi në Tiranë, kapet me kokainë