Makina përplas për vdekje vajzën e mitur

Një aksident i rëndë ka ndodhur paraditen e kësaj të shtune në aksin “Korçë-Bilisht”, ku pranë kryqëzimit të fshatit Zëmblak në Maliq, një automjet ka përplasur për vdekje një vajzë të mitur të moshës 14-vjeçare.

Policia ka shoqëruar drejtuesin e mjetit, “Opel” për veprime të mëtejshme. Ndërkohë që po vijon puna nga ekspertët për zbardhjen e rrethanave të aksidentit të rëndë.

“Më datë 31.10.2023, rreth orës 11:00, në aksin rrugor “Korçë-Bilisht”, pranë kryqëzimit të fshatit Zëmblak, Maliq, automjeti tip “Opel” me drejtues shtetasin I. K., ka përplasur një shtetase 14-vjeçare, këmbësore në rrugë, e cila për pasojë ka humbur jetën. Më drejtuesin e automjetit po kryhen veprimet e mëtejshme procedurale”, njofton policia.

LEXONI GJITHASHTU:

• Dogji mbeturinat në tokën e tij, por flakët u përhapën, procedohet i moshuari
• Familja e denoncoi të zhdukur, gjendet i pajetë i moshuari në Tropojë