Katër persona kanë mbetur të plagosur në një atentat me armë zjarri të ndodhur mbrëmjen e së enjtes në Tiranë.
Burime për Euronews Albania bëjnë me dije se persona ende të paidentifikuar kanë qëlluar me breshëri në drejtim të një automjeti të cilin e kanë ndjekur që nga rreth-rrotullimi i Shkozës deri Lundër në afërsi të një qendre tregtare.
Si pasojë e të shtënave janë plagosur shtetasit A. S., 34 vjeç, M. D, 17 vjeç, të cilët janë të dëmtuar në dorë dhe krah, D. D, 11 vjeç dhe K. M., 19 vjeç, të cilët janë futur në sallë.
Burime nga Trauma bëjnë me dije se tre nga të plagosurit janë jashtë rrezikut për jetën ndërsa i mituri 11-vjeçar është rëndë.
Pas atentatit autorët kanë djegur automjetin me targa AA 040 YV, në zonë e Lundrës.
LEXONI GJITHASHTU:
- Atentati nga 4 persona, babai i Roan Brahimit u ekzekutua brenda lokalit të tij
- Policia informacion zyrtar për atentatin në Tiranë, i mitur në gjendje të rëndë