Man City synon Botërorin e parë. “Qytetarët” do përballen me Fluminense

Manchester City i ka fituar të gjithë trofetë e mundshëm, pjesa më e madhe e tyre në epokën Guadriola, por në këtë pikë ka ende një kupa që i mungon koleksionit të qytetarëve.

Bëhet fjalë për kupën e botës për klube, të cilën skuadra angleze nuk ka pasur fatin të ketë të sajin deri më tani, por kjo gjë mund të ndodhë pasditen e së premtes.

Pasi mposhti Urawa Red në gjysmëfinale, The Cityzens tashmë janë në stacionin e fundit të këtij kompeticioni ku do të përballen me Fluminense, kampionët brazilianë. Anglezët cilësohen favoritë absolutë për fitimin e trofeut, teksa në anën tjetër skuadra braziliane kaloi pa shumë problem Al Ahly, duke i mposhtur me rezultatin 2-0.

Finalja e madhe luhet në Jeddah, në një impiante me kapacitet prej 60 mijë të pranishmish, ndërsa gjykimi i është besuar polakut Marciniak.

Trajneri Guardiola pak orë më parë pohoi se ky është i vetmi trofe që i mungon skuadrës së tij dhe normalisht nuk do ta lejojë ti ikë nga duart, teksa edhe Fluminense është ndër skuadrat më në formë të momentit.

Ata janë një skuadër kompakte dhe me lojtarë me eksperiencë mes tyre dhe emra si Marcelo apo Felipe Melo.

LEXONI GJITHASHTU:

• Yjet e Sportit/ Rama i dorëzon çmim Sylvinhos: Brazilianin do e bëjmë shqiptar
• Sportisti Zyberaj: Vrapova 260 km për shpirt të babit, ma la amanet