Manchester United synon Benjamin Seskon, në lojë edhe kartoni i Hojlund

Manchester United është pranë një marrëveshjeje për transferimin e Benjamin Sesko, sulmuesit të ri slloven të RB Leipzig, dhe është i gatshëm të përfshijë në marrëveshje edhe Rasmus Hojlund si pjesë shkëmbimi, plus një shumë parash.

Djajtë e kuq po ndjekin një strategji më të matur krahasuar me rivalët e tjerë të Premier League që kanë kaluar tashmë shifrën e 200 milionë eurove këtë verë.

Pas afrimeve të Mbeumo dhe Cunha, tekniku Ruben Amorim kërkon përforcime të tjera.

Nëse negociatat për Seskon nuk arrijnë në një marrëveshje, United ka gati alternativën: Ollie Watkins i Aston Villa, i cili pëlqehet shumë nga Amorim.

Klubi anglez nuk është i gatshëm të shpenzojë më shumë se 50 milionë euro për kartonin e tij.

Për Seskon interes ka shfaqur edhe Newcastle, në rast se Isak transferohet te Liverpool. Edhe për Hojlund ka pasur interes nga Interi, por oferta për huazim u refuzua nga Manchester United.