Mandati i Xhaçkës në Kushtetuese, PD i drejtohet gjykatës me 2 kërkesa të ndryshme

Grupi parlamentar i Partisë Demokratike dhe grupimi i Sali Berishës kanë dorëzuar në gjykatën kushtetuese dy kërkesa të ndryshme, me të njëjtin objekt, atë të ndërprerjes së mandatit të deputetes socialiste Olta Xhaçka.

PD e akuzon ministren e jashtme se përmes mandatit të deputetes, bashkëshorti i saj ka përfituar statusin e investitorit strategjik nga qeveria në bregdetin e jugut.

Kërkesa e depozituar nga grupi parlamentar demokrat mban 14 firma.

“Grupi parlamentar i Partisë Demokratike i kërkon gjykatës kushtetuese të marrë në shqyrtim pa vonesë kërkesën e depozituar sot në mëngjes dhe i kërkon të garantojë zbatimin e këtij ndalimi kushtetues pavarësisht se bëhet fjalë për një ministër të rëndësishëm dhe njëri shumë të afërt të kryeministrit Rama”.- shprehet Gazment Bardhi.

Ndërsa kërkesa tjetër është firmosur nga 28 deputetë.

“Zonja Xhaçka nuk mund te jete njëkohësisht  edhe ministre e jashtme edhe investitore strategjike. Nuk mund te jete edhe deputete edhe pronare e plazhit publik. Ndaj i takon Gjykatës Kushtetuese te marre vendimin formal, te asaj qe ligji e dhe Kushtetuta e diktojnë fare qartë”.- u shpreh Agron Shehaj, deputet i PD-së.

Një ditë më parë, parlamenti miratoi raportin e shumicës socialiste, që bllokonte dërgimin në gjykatën kushtetuese të shqyrtimit të mandatit të Olta Xhaçkës. Do të jetë gjykata kushtetuese e cila do të thotë fjalën e fundit për këtë çështje. 

LEXONI GJITHASHTU: 

• Olta Xhaçka takim me homologun turk, çfarë pritet të diskutohet
• Situata në Kakavijë e Kapshticë, Olta Xhaçka e quan të papranueshme deklaratën e Metës