Manja: Sfida e PS në mandatin e tretë, zbatimi i plotë i reformës në drejtësi dhe mbrojtja nga ata që duan ta zhbëjnë

Deputeti socialist, Ulsi Manja tha sot në ‘Rinvote’ se sfida e PS në mandatin e tretë është zbatimi i plotë i reformë në drejtësi dhe mbrojtja nga sulmet për zhbërjen e saj.

“Në mandatin e tretë, drejtësia e re do të jetë në veprim, zbatimi i plotë i saj dhe mbrojtja nga ata që kërcënojnë se do ta rishikojnë këtë reformë, por do të hasin në murin e partnerëve që reformën në drejtësise kanë kauzë ”, tha z. Manja.

I pyetur nga aktivistja Silvana Rusi, nëse ishin të mjaftueshëm 8 vjet në pushtet për PS për të nisur zbatimin e reformës dhe për të rikthyer besimin e qytetarëve tek sistemi, z. Manja u shpreh se PS e ka kryer detyrën në raport me drejtësinë e re që presin shqiptarët dhe tani i takon sistemit të fitojë dhe meritojë besimin e publikut.

Sipas deputetit të PS, zbatimi i reformës në drejtësi është sfidë më vete, sepse qytetarët presin një drejtësi të matshme, me rezultate konkrete.