Manjani ja plas të qeshurës me Spahiun: Politikanë kujdes si silleni me të dashurat

Sipas juristit Kreshnik Spahiu politikanët duhet të tregojnë më shumë kujdes si sillen me të dashurat sesa me gruan.

Në një intervistë për “Now me Erla Mëhillin” ai komentoi intervistën e ish-të dashurës së McGonigal,  Allison Guerriero në Euronews Albania.

“Këta mundohen që të rrinë në pushtet nëpërmjet influencës që kanë ndërkombëtarët dhe prandaj mundohen që në një farë mënyre t’i miklojnë me dreka, me darka, me dhurata, me miqësira, me përqafime, me të dashura e të tjerë. Ai kushedi se ç’ka bërë në Shqipëri. Këtë e tradhtoi dashnorja latino-amerikane se po ta kishte tradhtuar dashnorja shqiptare do bëhej nami dhe ky është një leksion i madh për zyrtarët që të kenë kujdes në mënyrën se si sillen me të dashurat e tyre. Më mirë të sillen keq me gratë se me të dashurat. Nuk është humor,” – u shpreh Spahiu ndërsa u shoqërua me të qeshura edhe nga juristi Ylli Manjani.

LEXONI GJITHASHTU:

• Bushati: Guerrero hezitoi të përgjigjej kur u pyet nëse është kontaktuar nga Neza
• Ekskluzive/ Flet ish-e dashura e McGonigal, personi që denoncoi ish-zyrtarin e FBI