Manjani: Nëse fiton PS atëherë opozita në Shqipëri merr fund, më mirë pushteti i brishtë i PD-së

19 Prill 2021 | 21:34

Ylli Manjani tha në studion e Barometrit Politik në Euronews Albania se nëse Partia Socialiste fiton zgjedhjet e 25 prillit, atëherë vendi do të futet në një cikël të zi politik për shkak se nuk do të ketë më opozitë.

“Nëse konfirmohet në pushtet Edi Rama me skenarin e 2017-tës, të nesërmen e asaj dite opozita në Shqipëri merr fund, pluralizmi në Shqipëri merr fund dhe ne hyjmë në një cikël shumë të zi politik”, u shpreh ish ministri i Drejtësisë.

Z. Manjani tha se qeveria aktuale ka shfaqur që tani shenja të një politik-bërje që kufizon lirinë e qytetarëve gjë që përbën një rrezik për të ardhmen e vendit.

“Sot kemi shenja të rrezikshme, veçanërisht me përndjekjen politike, penale ndaj gazetarëve dhe ndaj njerëzve të lirë në këtë vend, këto do të fillojnë të shtohen dhe ky është një problem shumë i madh”, tha z. Manjani.

Sipas z. Manjani nevojitet një ndryshim pushteti, ku pushteti i ardhëm duke presupozuar PD-në, do të jetë një pushtet i brishtë por i parrezikshëm mjaftueshëm sa situata politike në Shqipëri të normalizohet. Partia Socialiste, nga ana tjetër, sipas z. Manjani është idealja për të bërë opozitë.

“Shqipërisë i duhet një opozitë e fortë, siç PS mund ta bëjë, kanë radhën për ta bërë dhe e bëjnë shumë mirë. Pushteti i ardhshëm do të jetë një pushtet fragjil që nuk do zgjidhë problemet e Shqipërisë por të kthehet në një situatë normale”, u shpreh z. Manjani.

Home Kryefaqja
Shiko në: YouTube
Lajme të Sugjeruara

Nikollë Lesi: Ja pse po të isha gjyqtar do ia jepja PD-në Berishës

Botuesi Nikollë Lesi tha për “Barometri” në Euronews Albania se po të ishte gjyqtar do ia jepte Partinë Demokratike Sali Berishës. “Nëse do isha gjyqtar...
22:20 | 06/01/2023

Balina Bodinaku: Militantët nuk zhgënjehen kurrë nga një lider autoritar pasi kanë një raport idealizimi

Edi Rama konsiderohet udhëheqës i fortë, 57% e njerëzve mendojnë kështu, zbuloi Barometri në Euronews Albania. Për eksperten e komunikimit, Balina Bodinaku, një lider i...
22:39 | 11/11/2021

Manjani: Maksimumi që mund të bëjë Basha është ndonjë LSI brenda PD. Ka çuar në Kuvend ligje fashiste

Kryeministri Edi Rama vazhdon të jetë udhëheqësi më i pëlqyer nga shqiptarët, edhe pse shumica e tyre kanë mendim negativ për të, zbuloi Barometri në...
21:37 | 11/11/2021