Manjani: Shumica e votuesve të Tiranës janë rritur me çorapet e kuqe të Ramës

Juristi Ylli Manjani komentoi gjetjet e Barometrit në Euronews Albania lidhur me perceptimin e qytetarëve të Tiranës për zgjedhjet lokale.

Sipas Manjanit, të dhënat tregojnë se Edi Rama është i favorizuar nga ana sociale në këto zgjedhje, pasi shumica  e votuesve të Tiranës kanë ende imazhin e tij si kryebashkiak.

“Edhe të dhënat tregojnë se Edi Rama është i favorizuar nga ana sociale në këto zgjedhje. Rama ka punuar në Tiranë dhe njerëzit kanë vite që kanë krijuar imazhin e tij gjithë këto vite. Ndërsa PD nuk ka prodhuar një figurë të dashur për Tiranën. Shumica e votuesve janë nga Tirana ose të ardhur në kryeqytet në periudhën e Edi Ramës. Duam apo nuk duam ne ata janë rrit me Ramën me çorapet e kuqe”, tha Manjani.

LEXONI GJITHASHTU:

• Qytetarët e Tiranës tregojnë sa të rëndësishme janë zgjedhjet lokale
• Zbardhet lista e kandidatëve të PL-së për Këshillin Bashkiak të Tiranës