Manovra e dyshimtë nxiti ndjekjen, 22-vjeçari shqiptar kapet me kokainë në Xhenova

Një 22-vjeçar shqiptar është arrestuar në Xhenova pas një ndjekjeje policore në Via Caprera, për dyshimin e posedimit dhe trafikimit të lëndëve narkotike.

Gjatë kontrollit në automjetin e tij, policia sekuestroi doza me kokainë dhe një shumë parash në euro.

Sipas mediave italiane, ngjarja ndodhi të martën pasdite gjatë një patrullimi rutinë nga Oficerët e UPGSP-së në zonën e Sturlës, të cilët vunë re një manovër të dyshimtë të të riut në makinën e tij.

Pas ndjekjes, policia arriti ta ndalonte dhe të kontrollonte mjetin, ku gjeti 12 qese të vulosura me kokainë dhe 350 euro para të gatshme, që dyshohet të jenë të përfituara nga aktiviteti kriminal.

Gjithashtu, u sekuestruan dy telefona celularë të personit të arrestuar, në të cilët u gjetën biseda me blerës të mundshëm të drogës, që konfirmojnë përfshirjen e tij në trafikimin e substancave narkotike.

Makina, që rezultoi e marrë me qira, u sekuestrua për hetime të mëtejshme mbi origjinën dhe përfshirjen e mundshme të palëve të tjera në këtë veprimtari.

Autoritetet kanë informuar Zyrën e Imigracionit, pasi 22-vjeçari ndodhet në Itali pa leje qëndrimi të rregullt.

Hetimet vazhdojnë për të zbuluar rrjetin e tij dhe bashkëpunëtorët e mundshëm në trafikimin e drogës në zonën e Xhenovës.

LEXONI GJITHASHTU:

• U konfliktuan me sende të forta në shëtitoren e Sarandës, në kërkim 5 italianë
• EMRI/ I kërkuar në Itali për dhunë seksuale dhe rrëmbim, kapet në Cërrik 52-vjeçari