Ministri i Mbrojtjes së Republikës së Kosovës, Ejup Maqedonci, mori pjesë këtë të mërkurë në takimin ministerial të Iniciativës ShBA – Karta e Adriatikut, i cili u zhvillua në Tiranë.
Përmes një postim në Facebook, Maqedonci bën me dije se u kërkoi kolegëve nga shtetet e rajonit që Kosova të bëhet anëtare me të drejta të plota në këtë iniciativë.
“Iu drejtova kolegëve nga shtetet e rajonit, për të ritheksuar para tyre gatishmërinë e plotë dhe aspiratën e fuqishme të shtetit të Kosovës për t’u bërë shtet anëtar me të drejta të plota në këtë iniciativë,” – deklaroi ai.
Maqedonci u ndal dhe te sulmet e orkestruara ndaj Kosovës. Ai dënoi sulmin terrorist të 29 nëntorit ndaj kanalit “Ibër-Lepencit”, duke theksuar se veprime të tilla cëmojnë jo vetëm sigurinë e Kosovës por të gjithë rajonit.
“Politikat e Serbisë që synojnë destabilizimin e sigurisë në Kosovë minojnë paqen në rajon dhe përpjekjet për fqinjësi të mirë në Ballkanin Perëndimor,” – kishte theksuar Maqedoni.
Maqedonci theksoi se pavarësisht politikave agresive nga Beogradi, Kosova nuk mund të ndalet drejt integrimeve euro-atlantike.
“Nuk ka asnjë forcë, sado agresive në politika dhe brutale në veprime, që mund të ndalojë rrugën e Kosovës drejt integrimeve euro-atlantike,” – kishte përfunduar ai.
LEXONI GJITHASHTU:
- Deputeti i PDK zbulon datën: Kurti po planifikon një “Banjska 2”
- Shpërthim i fuqishëm në Kosovë, dëmtohet kanali i ujit Ibër-Lepenc në Zubin Potok
