Shpërthim i fuqishëm në Kosovë, dëmtohet kanali i ujit Ibër-Lepenc në Zubin Potok

Një shpërthim i fuqishëm ka ndodhur sonte në Varagë të Zubin Potok i cili ka dëmtuar kanalin e ujit Ibër-Lepenc.

Dyshohet se kanali në të cilin ndodhi shpërthimi, furnizon Korporatën Energjetike të Kosovës (KEK) me ujë dhe kjo mund të sjellë probleme të furnizimit me energji elektrike.

Zëvendësdrejtori i policisë për rajonin e veriut, Veton Elshani, ka konfirmuar ngjarjen, duke deklaruar se forcat policore po punojnë për zbardhjen e rrethanave: “Po, është dëgjuar një shpërthim dhe ekipet janë në terren për hetimin e incidentit.”

Pas shpërthimit, uji ka filluar të rrjedhë në mënyrë të pakontrolluar, duke shkaktuar shqetësim në zonë. Hetimet vazhdojnë për të përcaktuar shkaqet dhe autorët e mundshëm të ngjarjes.

LEXONI GJITHASHTU:

• Deputeti i PDK zbulon datën: Kurti po planifikon një “Banjska 2”
• Kurti dënon sulmin ndaj komunës së Zveçanit: Akt kriminal dhe terrorist