Më shumë se 70 notarë dhe ish-notarë kanë garuar mëngjesin e të shtunës në ujërat e liqenit të Ohrit në maratonën “Agron Ruvina” në Pogradec.

Në këtë maratonë me një distancë prej 500 metra kanë notuar notarë nga mosha 14-25 vjeç për kategorinë e notarëve profesionistë ndërkohë që gara më emocionuese ka qenë ajo e veteranëve, pjesa më e madhe e të cilëve kanë notuar me ish notarin rekordmen pogradecar.

Andi Kongli dhe Enkelejda Tupa janë dy fituesit e kategorisë për veteranë të cilët shprehen se për të rikthyer në nivele të larta noton në Shqipëri kërkohet vëmendje dhe investim

Noli Ruvina është vëllai i ish-notarit të njohur Agron Ruvina, i cili thotë se Pogradeci do e rikthejë edhe njëherë traditën e notimit. Madje ai shpreson se edhe rekordet e vendosura nga Ruvina në vitin 1973 do të thyhen nga pogradecarët

Gara e maratonës është ndjekur me mjaft interes nga pushues të shumtë pogradecare por e të ardhur nga qytete të tjera.

LEXONI GJITHASHTU:

• Furgoni përplaset me kamionin në Kalivaç-Pogradec, 2 të plagosur
• Detaje të reja nga ngjarja në Pogradec, gazetari zbardh dy dëshmitë kontradiktore