Maratona për “Tetorin Rozë” në Tiranë, të ardhurat shkojnë për kancerin e gjirit

Në kuadër të muajit të ndërgjegjësimit ndaj kancerit të gjirit, këtë të shtunë po mbahet në Tiranë, në Bulevardin Dëshmorët e Kombit, një maratonë për “Tetorin Rozë”.

Organizatorja Donjeta Zeqja ka deklaruar se të gjitha të ardhurat që do të mblidhen nga regjistrimet për garën simbolike do të përdoren për të ndihmuar gratë dhe vajzat e prekura nga kanceri i gjirit, duke siguruar proteza për to.

“Ne kemi vendosur një kauzë të rëndësishme, ashtu si edhe vitin e kaluar,” tha Zeqja. “Të gjitha të ardhurat e mbledhura nga regjistrimet për garat simbolike që ne do të organizojmë do të shkojnë për të siguruar proteza për vajzat e prekura nga kanceri i gjirit.”

Ky marshim është një pjesë e rëndësishme e përpjekjeve për të rritur ndërgjegjësimin për këtë sëmundje dhe për të mbështetur financiarisht gratë që po përballen me pasojat e saj.

LEXONI GJITHASHTU:

• Rriten rastet e kancerit të gjirit në Gjirokastër, në 9 ditë u diagnostikuan 7 gra
• Ndërgjegjësimi përmes fëmijëve, marshimi në Pogradec kundër kancerit të gjirit