Marok| Ekstradimi i Saraivës, vrasësi i Nikulaj u dorëzohet oficerëve shqiptarë

Pritet ekstradimi i Ruben Saraivës drejt Shqipërisë, person i dyshuar për vrasjen e biznesmenit Ardian Nikulaj. Euronews Albania ka siguruar foton e portugezit Saraiva teksa iu është dorëzuar palës shqiptare.

Gjykata e Shkallës së Parë e Juridiksionit të Përgjithshëm Lezhë, me vendimin të datës 26 prill ka caktuar masën e sigurisë “Arrest në burg”, për veprat penale “Vrasja për gjakmarrje” dhe “Prodhimi dhe mbajtja pa leje e armëve luftarake dhe e municionit”, në ngarkim të Saraivës.

Ndërkohë 5 personat e tjerë për vrasjen e biznesmenit në Lezhë, Edmond Haxhia, Stephen Hunt, Thomas Mithan dhe Harriet Bridgeman dhe Harry Simpson u arrestuan pas ngjarjes,  gjatë një operacioni të koordinuar nga Policia e Shtetit në bashkëpunim me Policinë Metropolitane angleze dhe agjencinë kundër krimit të organizuar, e njohur si FBI-ja angleze, NCA.

Ruben Saraivës, ekzekutoi biznesmenin Ardian Nikulaj në Shëngjin, me porosi të Edmond Haxhisë (pjesë e fisit Lekstakaj). Mes dy fiseve në Lezhë ka një hasmëri më shumë se dy dekada dhe ka marrë disa jetë njerëzish nga të dyja palët.

LEXONI GJITHASHTU:

• Iu bë atentat, ndërron jetë kushëriri Ardian Nikulaj. Gjendet makina e djegur
• Iu bë atentat në Lezhë, ky është viktima Nikulaj, kushëriri i biznesmenit të vrarë