Iu bë atentat, ndërron jetë kushëriri Ardian Nikulaj. Gjendet makina e djegur

Ka ndërruar jetë në spital shënjetra e atentatit të mbrëmjes së sotme në Lezhë, Eno Nikulaj.

Burime bëjnë me dije se policia ka gejtur një makinë që po digjej në rrugën e Rinasit në vendin e quajtur “Ura e Tubit”, e cila dyshohet që mund të ketë lidhje me autorët.

Nikulaj ishte duke shkuar në banesë me makinë, teksa u qëllua me breshëri kallashnikovi nga persona të paidentifikuar në aksin rrugor “Lezhë-Shkodër”, në vendin e quajtur “Ura e trenit”

40-vjeçari rezulton të jetë djali i xhaxhait të Ardian Nikulaj, i cili u ekzekutua po në një atentat mafioz më 19 maj.

Nga informacionet paraprake dyshohet se shkak i atentatit të jenë përplasjet për gjakmarrje dhe hakmarrje të fisit Nikulaj.

Ndërkohë policia ka ngritur pika të shumta kontrolli në hyrje-daljet e qytetit për bërë të mundur arrestimin e autorëve.

Lezhë/Informacion shtesë

Në vijim të informacionit paraprak të dhënë pak më parë, për ngjarjen e ndodhur në aksin rrugor Lezhë-Shkodër, ku mbeti i plagosur rëndë me armë zjarri shtetasi E. N., ju informojmë se:

Ky shtetas, si pasojë e plagëve të marra, pavarësisht ndihmës dhe trajtimit të menjëhershëm mjekësor, ka ndërruar jetë në Spitalin Rajonal të Lezhës.

LEXONI GJITHASHTU:

• U qëllua me breshëri kallashnikovi nga një BMW, si ndodhi atentati ndaj Eno Nikulaj
• Si u zbardh vrasja e Liridonës, eksperti: Policia vendosi kamera të fshehta
• Pse e vrau bashkëshorti Liridonën? Gazetari: Për tradhti jo, për para po