Marrëveshja Kurti-Vuçiç, Ambasadori Hill: Serbia e ka përqafuar të ardhmen evropiane

Ambasadori amerikan në Serbi, Christopher Hill, ka reaguar pas arritjes së marrëveshjes mes Kosovës dhe Serbisë.

Hill ka thënë se rezultati më i rëndësishëm i negociatave është se Serbia e ka përqafuar të ardhmen evropiane. Hill shkruan se ka ende shumë punë përpara, por SHBA do jetë në krah të dy vendeve.

“Rezultati më i rëndësishëm nga bisedimet e Ohrit, Serbia ka përqafuar të ardhmen e saj evropiane dhe një plan të qartë se si të arrijë atje. Një vendim që kërkon mençuri, integritet dhe guxim. Mbetet shumë punë dhe shtetet e bashkuara do të jenë me ju në çdo hap të rrugës”, shkruan Hill.

LEXONI GJITHASHTU: 

• “Mund të shtrojnë rrugët e Parisit, jo më Freskun”, Meta akuzon qeverinë për fondet
• Arben Malaj e thotë hapur: Jam kundër amnistisë fiskale! Ju tregoj arsyet