“Mund të shtrojnë rrugët e Parisit, jo më Freskun”, Meta akuzon qeverinë për fondet

Kreu i Partisë së Lirisë, Ilir Meta ishte pasditen e kësaj të diele në një takim me qytetarët e zonës së Freskut në Tiranë. Nga atje ai akuzoi Bashkinë e Tiranës për shpërdorim të buxhetit të caktuar.

Sipas tij me buxhetin që ka marrë Tirana për katër vite mund të shtronte edhe rrugët e Parisit e jo më të Freskut. Sipas Metës, në këtë zonë të Tiranës, po hidhet asfalt vetëm për arsye elektorale.

“350 milionë euro është buxheti në vit në Bashkinë e Tiranës. 1.4 miliardë euro në një mandat, në 4 vjet. Edhe rrugët e Parisit do ishin bërë, jo më rrugët këtu të Freskut, të Qesarakës apo ku di unë. Po hidhet tani asfalt elektoral thjesht për të krijuar idenë se po bëhet punë.

Çfarë kuptimi ka kjo gjë? Kur bie një shi, s’ka as kanalizime s’ka asgjë. Boll e këto mashtrime. Boll me këto shpërdorime të taksave të qytetarëve të Tiranës. 14 maji është një ditë shumë e rëndësishme sepse në Tiranë e kudo në gjithë Shqipërinë do të kthehet llogaridhënia”, – tha Ilir Meta në takimin me qytetarët e Freskut.

LEXONI GJITHASHTU:

• “Kurti nuk kishte mundësi të refuzonte!” Analisti: Ai është rritur me Asociacionin
• A po përdoret për vota çështja e amnistisë fiskale? Milo: Qytetarët ta kuptojnë…