“Kurti nuk kishte mundësi të refuzonte!” Analisti: Ai është rritur me Asociacionin

Analisti Dorajet Imeri tha se kryeministri i Kosovës, Albin Kurti nuk ka pasur më mundësi të refuzonte marrëveshjen Kosovë-Serbi. Edhe pse nuk është firmosur ende asgjë, sipas analistit, Kurti i cili është rritur me asociacionin nuk mund të refuzojë marrëveshjen e kërkuar nga BE-së, sidomos në një kohë kur vëmendja e tyre është te Ukraina.

“Kurti ka një jetë politike interesante. Filloi si një student me pikëpamje tepër liberale, u takua me burgun. Filloi një lëvizje politike në fillim qytetare e më pas tepër politike, e më pas u bë një i pakënaqur, erdhi si një lider komple tjetër në skenën tonë politke. Asociacioni ka qenë pika më e ndjeshme e rritjes së tij politike.

Këtë herë i është dashur të përballet pikërisht me këtë. Marrëveshja ka qenë fatkeqe për karrierën e tij politike, sepse është merre ose leje. Kryeministri Kurti nuk ka pasur mundësi ta refuzojë një marrëveshje të tillë. Sepse situata është e jashtëzakonshme. Shqetësimi i atyre që negociojnë nuk është Kosova dhe Serbia”,- tha për Euronews Albania, Dorajet Imeri.

LEXONI GJITHASHTU:

• Arben Malaj e thotë hapur: Jam kundër amnistisë fiskale! Ju tregoj arsyet
• Varhelyi: Mbështesim Kosovën dhe Serbinë në procesin e zbatimit të marrëveshjes
• A po përdoret për vota çështja e amnistisë fiskale? Milo: Qytetarët ta kuptojnë…