Marrëveshje me Italinë për ujin? Rama: Ideja që nga Lufta II Botërore

Kryeministri Edi Rama iu përgjigj pyetjes se gazetares së Euronews Albania, Eksiola Shehu lidhur me mundësinë e një marrëveshjeje mes Shqipërisë dhe Italisë për furnizimin me ujë.

Rama u shpreh se ideja e transportimit të ujit nga jugu i Shqipërisë drejt Italisë është një ide e vjetër që nga Lufta II Botërore dhe nuk bëhet fjalë ende për marrëveshje.

“S’ka një projekt, janë të gjitha ide. Ideja e ujit është një ide që daton para Luftës së Dytë Botërore dhe e kanë promovuar të gjitha qeveritë italiane, po nuk është bërë asgjë konkrete. Varet nga vullneti i qeverisë italiane sepse është projekt i madh që Shqipëria nuk mund ta realizojë dot. Do kemi një takim të dytë të komitet të përbashkët të investimeve në Romë dhe do shohim do shkohet më tej”, tha Rama.

LEXONI GJITHASHTU:

• Arrestimet për sterilizimin, Rama: Kush ka hyrë në gjynahe me popullin, do paguajë
• A do të ketë zgjedhje të parakohshme? Rama: Thashetheme për çadrën e plazhit