Marrëveshja për emigrantët/ Zaçaj: Juridiksioni që vjen nga Kushtetuta, s’diskutohet

Kryetarja e Gjykatës Kushtetuese Holta Zaçaj foli këtë të hënë para mediave edhe për marrëveshjen Rama-Meloni për emigrantët.

Ajo tha se vendimi po punohet ndërsa theksoi se shteti shqiptar do ketë përgjegjësi për zonat që do jepen në administrim të shtetit italian.

“Vendimi po punohet. Do i përmbahem deklaratës për shtyp. Gjykata tha me bindje se shteti shqiptar vijon të ketë juridiksion.

Nuk mohuam përgjegjësinë e shtetit shqiptar për zonat që jepen në administrim të shtetit italian.

Juridiksioni ekstra-territorial që vijnë nga konventat ndërkombëtare, këtë e pranuam si diçka taktike që ndodh, sepse marrëveshja është në një rang hierarkik më të ulët se Kushtetuta.

Juridiksioni që vjen nga Kushtetuta, vijon të mbetet dhe nuk vihet në diskutim”, tha ajo.

LEXONI GJITHASHTU:

• Çështja Beleri në Kushtetuese, Zaçaj: Po përgatitet. S’ka kërkesë përshpejtimi
• Paga 7 mln lekë gjyqtarëve të Kushtetueses, Zaçe: Shifrat janë nxjerrë nga qeveria