Çështja Beleri në Kushtetuese, Zaçaj: Po përgatitet. S’ka kërkesë përshpejtimi

Në një dalje për mediat, kryetarja e Gjykatës Kushtetuese, Holta Zaçaj deklaroi se ka pasur 452 kërkesa për shqyrtim përgjatë vitit 2023.

E pyetur nëse është marrë në shqyrtim çështja e kryebashkiakut të zgjedhur, por jo të betuar të Himarës, Fredi Beleri, ajo u përgjigj se çështja ka mbërritur në Gjykatën Kushtetuese, është duke u përgatitur, por ende nuk është gati.

“Gjykata ka marrë në shqyrtim çështjen. Janë duke u marrë të gjitha materialet, është duke u përgatitur. Por ajo është çështje e shtatorit, ne jemi ende duke u marrë me çështjet e muajit maj të 2023”,-tha Zaçaj.

Zaçaj deklaroi se Gjyakata Kushtetuese nuk ka stok të çështjeve të prapambetura si gjykatat e tjera.

“452 kërkesa përgjatë 2023 në Gjykatës Kushtetuese. Kjo gjykatë nuk ka stok të çështjeve të prapambetura si gjykatat e tjera. 6 vendime janë kërkesa të paraqitura nga një grup deputetesh, 3 nga organizatat, 2 nga gjykatat dhe 59 nga individë. Ndërkohë, 30 vendime janë marrë unanimisht, ndërsa 40 me shumicë votash”.

LEXONI GJITHASHTU:

• Marrëveshja për emigrantët/ Zaçaj: Juridiksioni që vjen nga Kushtetuta, s’diskutohet
• Paga 7 mln lekë gjyqtarëve të Kushtetueses, Zaçe: Shifrat janë nxjerrë nga qeveria