Paga 7 mln lekë gjyqtarëve të Kushtetueses, Zaçe: Shifrat janë nxjerrë nga qeveria

Kryetarja e Gjykatës Kushtetuese, Holta Zaçaj në një deklaratë për mediat të hënën bëri një bilanc të veprimtarisë së Kushtetueses për vitin 2023.

Zaçaj tha se Kushtetuesja ka pasur 452 kërkesa për shqyrtim përgjatë vitit të shkuar dhe nuk rezulton të ketë çështje të prapambetura.

E pyetur nga Euronews Albania lidhur me kërkesën për pagat e gjyqtarëve të Gjykatës Kushtetuese, Zaçe u shpreh se i është bërë një kërkesë për të korrigjuar pagat brenda institucionit. Ajo sqaroi se shifrat për të cilat flitet lidhur me pagat e pretenduara nga gjyqtarët e Kushtetueses (paga prej 7 mln lekësh të vjetra) janë nxjerrë nga qeveria.

“I kemi bërë një kërkesë kuvendit për të korrigjuar pagat brenda institucionit të drejtësisë. Qëllimi ishte rivendosja e atij parimi të prishur gjatë reformës në drejtësi. Përtej pavarësisë, duhet të ketë ikur koha kur gjyqtari të jetë i intimiduar për të kërkuar pagën. Ne nuk kemi caktuar vlerën për pagën, shifrat janë nxjerr nga qeveria”,  tha Zaçe.

LEXONI GJITHASHTU:

• Çështja Beleri në Kushtetuese, Zaçaj: Po përgatitet. S’ka kërkesë përshpejtimi
• Gjykata Kushtetuese shpall vendimin për Skavicën