Marrëveshja për punonjësit e huaj, Ministria e Ekonomisë mohon lajmet

Ministria e Ekonomisë, Kulturës dhe Inovacionit, ka reaguar përmes një përgjigje zyrtare, sa i takon marrëveshjes për të sjellë punëtorë të huaj në Shqipëri.

Pyetur nga Euronews Albania, nëse kjo marrëveshje është reale dhe se çfarë do të përmbante ajo, Ministria hedh poshtë lajmet e publikuara.

“Sqarojmë se nuk ka akoma një marrëveshje midis shteteve për punësimin e të huajve në Shqipëri e për pasojë nuk mund të kemi as hapa dhe as numra pasi ato bëhen në fazën mbasi marrëveshja është nënshkruar nga palët”, thuhet në në përgjigjen e Ministrisë.

Në përgjigjen e saj, Ministria e Ekonomisë, shkruan se brenda këtij viti do të kryhet një analizë e detajuar mbi mungesën e fuqisë punëtore.

“Agjencia Kombëtare e Punësimit dhe Aftësive në bashkëpunim me UNDP (United Nations evelopment Programme), brenda vitit 2024 do të përfundojnë Analizën e Nevojave për Aftësi në vend, në të gjithë sektorët, për të evidentuar nevojat reale për punonjës në Shqiperi, sipas çdo sektori”, thuhet në përgjigjen e Ministrisë së Ekonomisë.

LEXONI GJITHASHTU:

• Mashtronin të huajt, në pranga administratori i Call Center dhe 5 punonjës
• EMRAT| Dëm 60 milionë lekë shtetit me skemën e TVSH-së, 7 persona nën hetim