Mashtronin të huajt, në pranga administratori i Call Center dhe 5 punonjës

6 persona janë arrestuar nga policia për mashtrim përmes call center-ave.

Në pranga ka rënë administratori i një subjekti call center dhe 6 punonjës si dhe janë shpallur në kërkim 2 persona të tjerë.

Policia tha se u arrestuan në flagrancë shtetasit Ergi Nurçellari., 25 vjeç, banues në Tiranë, administratori subjektit call center K. Gj., 25 vjeç, Sh. F., 26 vjeç, A. Sh., 20 vjeç, K. K., 20 vjeç dhe H. S., 26 vjeç, të pestë banues në Tiranë, të punësuar si operatorë në këtë subjekt. Gjithashtu u shpall në kërkim administratori tjetër i këtij subjekti, shtetasi P. A., 29 vjeç, banues në Tiranë dhe u procedua penalisht shtetasja D. K., 26 vjeçe.

“Nga veprimet hetimore ka rezultuar se shtetasi E. N. dhe shtetasi P. A. administronin një subjekt privat call center, në rrugën “Faik Konica”. Në këtë subjekt ishin të punësuar si operatorë shtetasit  K. Gj., Sh. F., A. Sh., K. K., H. S. dhe D. K., të cilët së bashku me 2 administratorët telefononin shtetas të huaj, u prezantoheshin si agjentë shitjesh dhe përmes mashtrimit, i bindnin ata që të investonin në bursën fiktive Forex”, sqaron policia.

LEXONI GJITHASHTU:

• Mashtrime me “Call Center”, policia arreston 14 persona në Prishtinë
• Mashtronin të huajt, pranga administratorit dhe menaxheres së Call Center-it