Masa ndaj aktivistëve të klimës në Gjermani, të rinjtë akuzohen për grup kriminal

24 Maj 2023 | 19:07

Policia gjermane ka kryer një seri bastisjesh në 7 lande të vendit, në kuadër të një hetimi ndaj aktivistëve të klimës, të cilët dyshohen se kanë formuar një grup kriminal për shkak të aktiviteteve të tyre të kontestuara.

Shtatë persona, të moshave nga 22 në 38 vjeç po hetohen nga autoritetet, por deri tani nuk janë kryer arrestime.

Për disa muaj me radhë, aktivistët e grupimit Gjenerata e Fundit kanë bllokuar trafikun në qytetet gjermane dhe kanë kryer veprime të ndaluara si gjuajtja me patate ndaj veprave të artit.

Kancelari Olaf Scholz e ka kritikuar fushatën e tyre dhe e ka cilësuar si “tërësisht të çmendur”.

Prej javësh në Gjermani është zhvilluar një debat i ashpër nëse grupimi Gjenerata e Fundit duhet të përcaktohet me ligj si organizatë kriminale.

Ligjvënësit konservatorë kanë kërkuar ndëshkime më të rënda për aktivistët, përfshirë dënimin me burg, ndërsa ata të krahut të majtë kanë paralajmëruar për një rritje të autoritarizmit.

Rreth 170 agjentë morën pjesë në bastisjet e së mërkurës në apartamente dhe godina të tjera në Berlin, Mynih, Dresden, Hamburg dhe lokalitete të tjera, të cilat u shoqëruan me mbylljen e faqes së internetit të grupit dhe me ngrirjen e dy llogarive bankare.

Shtatë të dyshuarit akuzohen për organizimin e një fushate me qëllim mbledhjen e 1.4 milionë eurove për të financuar “aktivitete të tjera kriminale”.

Dy nga aktivistët që po hetohen dyshohen se vitin e kaluar janë përpjekur të sabotojnë infrastrukturën e një naftësjellësi që kalon në Alpe, nga qyteti italian i Triestes për në Ingolshtad.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Aeroportet e Romës do të pezullojnë sistemin e ri EES gjatë verës për të shmangur fluksin e lartë të pasagjerëve

Aeroportet e Romës do të duhet të pezullojnë sistemin e ri dixhital të kufijve të BE-së për qytetarët jo-BE për të shmangur një “katastrofë” gjatë...
12:48 | 25/06/2026

Vala e të nxehtit në Spanjë, 212 viktima gjatë katër ditëve të fundit

Të paktën 212 vdekje të regjistruara midis të dielës dhe të mërkurës mund t’i atribuohen valës së të nxehtit që ka goditur Spanjën këto ditë,...
12:00 | 25/06/2026

Macron: Marina franceze ka kapur një tjetër tanker rus të “flotës në hije”

Presidenti i Francës, Emmanuel Macron tha të enjten se marina e franceze ka kapur një anije cisternë nafte ndërsa ajo po kalonte pranë bregut të...
12:00 | 25/06/2026