Masakra e Srebrenicës, Meta: Përpjekja për rishikim kufijsh duhet dënuar me forcë

Kreu i Partisë së Lirisë, Ilir Meta përmes një statusi në faqen e tij zyrtare në Facebook ka përkujtuar viktimat e masakrës së Srebrenicës, në 28-vjetorin e gjenocidit serb ndaj civilëve të pafajshëm në Bosnje dhe Hercegovinë.

Meta shprehet se “përpjekjet për të ringjallur fantazmën e Millosheviçit dhe Jugosllavisë, të fshehura pas projekteve ogurzeza për rishikim kufijsh e dominim të një vendi ndaj një tjetri, duhen dënuar me forcë dhe të marrin një dënim të merituar.

“Nderojmë sot me dhembje kujtimin e mijëra viktimave të pafajshme të masakrës së Srebrenicës! Mohimi i gjenocidit, glorifikimi i kriminelëve të luftës dhe frymëzuesve të saj, si dhe përpjekjet për të ringjallur fantazmën e Millosheviçit dhe Jugosllavisë, të fshehura pas projekteve ogurzeza për rishikim kufijsh e dominim të një vendi ndaj një tjetri, duhen dënuar me forcë dhe të marrin një dënim të merituar. Forcimi i bashkëpunimit rajonal, bashkëjetesës etnike dhe fetare, konsolidon paqen, stabilitetin dhe sigurinë në rajon, për të ecur përpara drejt së ardhmes të përbashkët në Bashkimin Europian”, shprehet Meta.

LEXONI GJITHASHTU:

• Schmidt kërkon ndjekje penale për mohuesit e gjenocidit në Srebrenicë
• Varrosen 30 viktima të gjenocidit në Srebrenicë, familjarët bëjnë nderimet e fundit