Masakra në Don Bosko, i pranishëm në lokal dhe vëllai i Fatjon Muratit

Burime për Euronews Albania bëjnë me dije se i pranishëm në lokalin ku ndodhi masakra në Tiranë, ishte dhe vëllai i Fatjon Muratit.

Dyshohet se objektiv i atentatit mund të ketë qenë ky i fundit, ose xhaxhai i tij që mbeti i plagosur, Sahit murati.

Si pasojë e të shtënave nga dy autorët që erdhën në vendngjarje me një automjet BMË, mbeti e plagosur Mimoza Paja, banakierja e lokalit në pronësi të personit me precedent penal, Fation Murati.

Nga të shtënat me armë zjarri janë plagosur shtetasit Sahit Murati, Astrit Mera, Emanuel Sala, Ermir Bejuku dhe Genc Shohalli.

Ndërkohë nga thyerja e xhamave të lokalit mbeti e plagosur dhe një vajzë në moshën 10-vjeçare.

Kush është Fatjon Murati?

Fatjon Murati dyshohet se ka qenë një ndër personat që është kërkuar nga Prokuroria Kurbin për t’u marrë në pyetje lidhur me masakrën me tre të vrarë në Fushë-Krujë, ku tre persona mbetën të vrarë, për shkak të dyshimeve se ka qenë një nga organizatorët e atentatit. Nuk dihet nëse shpallja në kërkim kishte lidhje të drejtpërdrejtë me ngjarjen e Fushë-Krujës. Po për të njëjtën ngjarje është pyetur edhe Indrit Dokle i cili ka deklaruar se nuk ka asnjë lidhje atentatin dhe më pas është lënë i lirë.

Në masakrën e Fushë-Krujës mbetën të vrarë Brilant Martinaj, Diklen Vata e Besmir Hoxha, të cilët u qëlluan me rreth 60 plumba kallashnikovi në makinën Volksëagen Passat, me të cilën po lëviznin drejt Laçit. Nga breshëria e plumbave makina mori flakë dhe për pasojë prej tyre u shkrumbuan. Vetëm Vata mundi të dalë nga makina, por agresorët u rikthyen sërish dhe u siguruan të vdiste. Viktimat ishin me precedent kriminal në fushën e krimeve ndaj personit, pjesëtarë te grupit kriminal të Ervis Martinajt.

LEXONI GJITHASHTU:

• “Ishte fukara, kishte 6 muaj pa larë qiranë”, flet fqinja e Mimoza Pajës
• Masakra në Don Bosko, gjendet e djegur makina e autorëve, brenda 3 kallashnikovë
• Masakra në Don Bosko, gazetari: Mund të kenë lidhje dhe njerëzit e Ervis Martinaj