Armand Gosa dhe Sali Rexha janë dy viktimat e një konflikti në Kavajë ditën e djeshme.
Euronews Albania ka shkuar në lokalin ku ndodhi ngjarja. Banakierja nuk pranoi të flasë për kamerat duke theksuar se arsyeja pse lokali ishte bosh, ishte prej muajit të Ramazanit, jo prej konfliktit pasi ai nuk ka ndodhur në ambientet e lokalit.
Ndërkaq, zonja pohoi se nuk ka qenë e pranishme në momentin e ngjarjes dhe nuk kishte si të fliste, ndërsa nuk ishte as në dijeni për pamjet nga kamerat e sigurisë që tashmë janë sekuestruar nga policia.
Dy viktimat kishin probleme me njëri tjetrin që para tre ditësh dhe të mërkurën u takuan përsëri për t’u sqaruar, por gjithçka degjeneroi kur ecën disa hapa në zonën e kryqëzimit të valutave dhe Gosa qëlloi me thikë Rexhën, ndërsa ky i fundit e qëlloi me armë.
Armand Gosa dhe Sali Rexha i kanë ndërruar emrat në gjendjen civile, pasi i kishin Edmond dhe Altin.
LEXONI GJITHASHTU: