Masakra në Shkodër, Bardhi: Policia është bërë mbrojtëse e krimit, mund ta ndalonte

Nënkryetari i Partisë Demokratike, Gazment Bardhi ka reaguar lidhur me masakrën e ndodhur pasditen e kësaj të mërkure në Dobraç të Shkodrës në zonën “5 Heronjtë e Vigut”, ku mbetën të vdekur 2 persona, ndërsa dyshohet se dy persona janë në gjendje të rëndë.

“Nëse policia Policia do ishte e fokusuar në punën e saj mund dhe duhet të ishte parandaluar”, shkruan Bardhi duke iu referuar atentatit.

Ai shtoi se policia është e zënë me përndjekjen politike të kundërshtarëve të Edi Ramës dhe ndaj sipas tij nuk e bën punën si duhet.

Reagim i kryetarit të grupit parlamentar të PD, Gazment Bardhi

Në Shkodër, në mes të qytetit, ndodh një atentat mafioz me disa të vrarë dhe disa të plagosur, ngjarje që nëse Policia do ishte e fokusuar në punën e saj mund dhe duhet të ishte parandaluar.

Ndërkohë, Policia e Shtetit është e zënë me përndjekjen politike të çdo kundërshtari të Edi Ramës, deri në absurditetin e “arrestimit” edhe të makinave.

Është një akt kriminal nxjerrja e Policisë së Shtetit jashtë funksioni! Kjo sjell cënim të sigurisë publike dhe akte të rënda si kjo e sotmja. Policia e Shtetit që supozohet të luftojë krimin, është shndërruar në mbrojtëse e krimit dhe në vegël në dorën e tij për të goditur opozitën!