Masat kundër turizmit masiv: Nga e enjtja, Venecia kufizon numrin e vizitorëve

Nga e enjtja, Venecia do të kufizojë numrin e vizitorëve në grupet turistike në 25 dhe guidave turistike do t’u ndalohet përdorimi i altoparlantëve për të “mbrojtur paqen e banorëve” dhe për të siguruar lëvizje më të lirë të këmbësorëve.

Fëmijët nën dy vjeç, si dhe nxënësit dhe studentët në udhëtime shkollore, nuk përfshihen në këtë numër.

Ata që nuk respektojnë masat e reja mund të përballen me gjoba nga 25 deri në 500 euro, raporton Reuters.

Kufizimet, të planifikuara fillimisht për në fillim të korrikut, përfshijnë qendrën e qytetit si dhe ishujt Murano, Burano dhe Torcello.

Në prill, Venecia u bë qyteti i parë në botë që prezantoi një sistem pagese për vizitorët në një eksperiment që synonte të pengonte pushuesit të vizitonin gjatë sezonit.

Skema zgjati 29 ditë, e ndjekur nga konsultimet për të ardhmen e projekteve që synojnë reduktimin e ndikimit të turizmit masiv në Venecia.

LEXONI GJITHASHTU:

• Studimi i ri: Venecia do të jetë nën ujë deri në vitin 2150
• Torra Veneciane në Durrës, turistët njihen virtualisht me historinë 3000-vjeçare