Mashtrimi me mikrokreditë, GJKKO lë në burg Arben Meskutin

GJKKO ka lënë në burg Arben Meskutin, i akuzuar për grup kriminal,i cili është edhe pronar i disa shoqërive financiare që ngritën skemë piramidale.

Maksuti kishte kërkuar shuarje të masës së sigurisë “arrest me burg”, por kërkesa e tij është rrëzuar nga GJKKO këtë të hënë.

Njoftimi i GJKKO:

1. Kërkuesi Arben Meskuti me datë 20.01.2025 ka paraqitur pranë Gjykatës kërkesën
me objekt: “Konstatimin e humbjes së efektit (shuarjes) së masës së sigurimit “arrest në
burg”, parashikuar nga neni 238 i K.Pr.Penale, caktuar me vendimin nr. 1313, datë
21.05.2024 të Gjykatës së Shkallës së Parë të Juridiksionit të Përgjithshëm Tiranë dhe
masës së sigurimit pasuror caktuar me vendimin nr. 4448, datë 18.07.2024 të Gjykatës së
Shkallës së Parë të Juridiksionit të Përgjithshëm Tiranë, për shkak se këto masa sigurimi
nuk janë vendosur brënda 10 ditëve nga Gjykata kompetente; 2. Heqjen e menjëhershme
të tyre, bazuar në nenet 88 dhe 262 të Kodit të Proçedurës Penale”.

2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtari Erjon Bani, bazuar në
Vendimin Unifikues e Njësues Nr. 55, datë 13.10.2021, me vendimin Nr. 69, datë
27.01.2025, vendosi:

1. Rrëzimin e kërkesës.

2. Shpenzimet gjyqësore i ngarkohen kërkuesit.

3. Kundër këtij vendimi mund të bëhet ankim në Gjykatën e Posaçme të Apelit për
Korrupsionin dhe Krimin e Organizuar brenda 5 ditëve, duke filluar ky afat nga e
nesërmja e njoftimit të këtij vendimi.

LEXONI GJITHASHTU:

• Pastronte paratë e vëllezërve Çopja, GJKKO lë në burg Klajdi Merkaj
• Kërkoi heqjen e arrestit shtëpiak, Apeli i GJKKO shtyn vendimin Jamarbër Malltezin