Mashtroi biznesmenët në Korçë dhe iu mori para, arrestohet 34-vjeçarja (Emri)

Një 34-vjeçare është arrestuar nga policia e Korçës, pasi dyshohet se ka mashtruar pronarët e disa bizneseve duke i marrë shuma të ndryshme parash.

Burime bëjnë me dije se në prang aka përfunduar shtetasja Rezarta Laçka për veprën penale “Mashtrimi”.

Nga hetimet e kryera rezulton se 34-vjeçarja ka shkuar në bizneset e shtetaseve F. M., I. F. dhe M. D., në qytetin e Korçës dhe në fshatin Pirg, Maliq, dhe dyshohet se nëpërmjet mashtrimit ka përfituar prej tyre, në total 160 000 lekë të rinj.

Materialet procedurale në ngarkim të saj i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

“Shërbimet e Komisariatit të Policisë Korçë, në bashkëpunim me specialistët për Hetimin e Krimeve të Komisariatit të Policisë Maliq, në vijim të punës për dokumentimin e plotë të ngjarjeve të ndodhura dy javët e fundit në Korçë dhe Maliq, ku një shtetase kishte përfituar shuma parash nga pronaret e tre bizneseve, duke i mashtruar ato, koordinuan veprimet me qëllim kapjen e kësaj shtetaseje dhe vënien e saj përpara përgjegjësisë penale.

Si rezultat, u kap dhe u ndalua shtetasja në kërkim R. L., 34 vjeçe, banuese në Korçë, pasi Prokuroria pranë Gjykatës së Shkallës së Parë të Juridiksionit të Përgjithshëm Korçë ka urdhëruar ndalimin e saj, për veprën penale “Mashtrimi”, thuhet në njoftimin e policisë.

LEXONI GJITHASHTU:

• Vrasja e 32-vjeçares, banorët në fshatin ku u rrit me lot në sy: Ishte shumë e mirë
• Me profesion bankiere, kush është 32-vjeçarja shqiptare që u ekzekutua nga burri