Mashtronin të huajt për të investuar në bursa fiktive, arrestohen 5 persona

5 persona, të pestë banues në Tiranë, janë vënë në pranga nga policia e kryeqytetit me akuzën e mashtrimit përmes call center-ave.

Policia tha se lidhur me këtë veprimtari të jashtëligjshme janë shpallur në kërkim edhe 5 shtetas të tjerë, pronarë dhe operatorë të subjektit call center në të cilin kryhej kjo veprimtari kriminale.

Nga veprimet hetimore ka rezultuar se shtetasit e arrestuar ishin të punësuar në një subjekt call center dhe në bashkëpunim me shtetasit e shpallur në kërkim, telefononin shtetas të huaj, u prezantoheshin si agjentë shitjesh dhe përmes mashtrimit, i bindnin ata që të investonin në bursën fiktive Forex.

LEXONI GJITHASHTU:

• EMRAT/ Mashtronin të huajt për investime në bursa, pranga dy të rinjve
• Miliona euro mashtrim përmes bursave, emrat e 3 shqiptarëve të arrestuar