Mazniku: Trafiku do mbetet sfidë edhe pas 20 vitesh, siç e ka Londra dhe Parisi

Nënkryetari i Bashkisë Tiranë, Arbjan Mazniku tha në emisionin Barometri në Euronews Albania se probleme të tilla si trafiku, mungesa e parkimit, ndërtimet janë probleme që vijnë bashkë me zhvillimin.

Mazniku u shpreh se këto probleme mbeten sfidë për Bashkinë Tiranë, jo vetëm për mandatin e ardhshëm, por edhe për 20 vitet e ardhshme.

“Sa më i zhvilluar të jetë qyteti aq më i madh do jetë trafiku, aq më i madh do jetë densiteti, sa më shumë njerëz të vijnë do duan edhe banesa, prodhohen më shumë mbetje, do ketë probleme me cilësinë e ajrit dhe kosto më të lartë jetese. Këto janë probleme bashkëshoqëruese të cilat zhvillimi edhe i krijon. Këto janë çështje të cilat do vazhdojmë t’i kemi sfida, që do vazhdojnë të jenë këtu e 20 vjet, siç e ka sfidë Londra dhe Parisi”, tha Mazniku.

LEXONI GJITHASHTU:

• Si është cilësia e jetës në lagjen tuaj? Gjetjet e Barometrit për Bashkinë Tiranë
• 5 problemet me të cilat përballet kryeqyteti sot sipas qytetarëve