Mbajtja e Kuvendit Kombëtar të PD-së, Pampuri: Nuk ka rëndësi data, por bashkimi

Zëdhënësja e Grupit Parlamentar të PD-së Orjola Pampuri deklaroi për Euronews Albania se nuk është rëndësishme data se kur do të zhvillohet Kuvendi Kombëtar i PD-së, por e rëndësishme është që Kuvendi të jetë bashkues.

“U vendos që të mbahet në 18 dhjetor. Data besoj që ka shumë pak rëndësi. Ka një vendim që duhet të merret një muaj para se të thirret Kuvendi.  Kjo u vendos me një votim ku votoi shumica në Kryesinë e PD-së. Uroj që ky Kuvend të jetë bashkues. Ky bashkim i shërben shqiptarëve, të ardhmes së vendit”, u shpreh deputetja.

Ajo nënvizoi se edhe pala tjetër (Berisha) do ta kuptojë që nuk është e rëndësishme data, por duhet të merren masa për të larguar kryeministrin Edi Rama.

“Edi Rama përçarje do. Ka çuar në maksimum nivelin e korrupsionit, abuzime në çdo sektor dhe të gjithë këtë terren e ka shumë komod në momentin që shikon një opozitë që ka një debat të brendshëm”, tha znj. Pampuri.

Ajo nënvizoi se nuk të çon në përçarje zgjedhja me parimin një anëtar një votë.

LEXONI GJITHASHTU:

• ‘Nëse është e nevojshme le të shkatërrohet PD’, Paloka tregon debatet në mbledhjen e Kryesisë
• Kryesia e PD miraton propozimin e Bashës, Kuvend Kombëtar më 18 dhjetor