Mbante armë zjarri pa leje, pranga 43-vjeçarit dhe 2 të tjerve për moskallëzim krimi

Policia e Durrësit ka goditur një rast të veprimtarisë kriminale të armëmbajtjes pa leje. Pas informacioneve të siguruara nga inteligjenca informative, gjatë kontrollit në ambientet e një lokali në lagjen nr. 11, Durrës, u arrestua në flagrancë 43-vjeçari Dritan Agasi i cili mbante një armë zjarri pistoletë pa leje.

Gjatë kontrollit, iu gjet dhe iu sekuestrua një armë pistoletë me një krehër dhe fishekë, të cilat u morën si prova materiale.

Gjithashtu, u arrestuan dhe dy persona të tjerë, Artur Karamuça, 47 vjeç dhe Florenc Berberi, 43 vjeç të dy banues në Durrës. Ata akuzohen për veprën penale “Moskallëzimi i krimit”, pasi kishin dijeni për veprimtarinë kriminale.

Materialet procedurale iu referuan Prokurorisë së Durrësit, për veprime të mëtejshme.