Mbërrin në gjykatën e Fierit autori i vrasjes së 23-vjeçares në shtëpinë e prindërve

Më 10 shtator të një viti më parë 23-vjeçarja, Sabrina Benga ishte në shtëpinë e prindërve të saj në Zhupan të Fierit, kur ish-bashkëshorti i saj, Elton Metaj tashmë i arrestuar e vrau me armë zjarri.

Ai mbërriti të enjten në gjykatën e Fierit, me pranga në duar dhe i shoqëruar nga forca të shumta policore.

Autori i kësaj ngjarje ka ardhur orë më parë në gjykatë, për të shmangur edhe ndonjë konflikt të mundshëm me familjarët, e mbledhur në dyert e gjykatës.

Pas dy seancave joefektive, trupi gjykues shqyrton këtë 15 shtator në themel vrasjen e Sabrinës. Kujtojmë se seanca e parë nuk u zhvillua për shkak të mungesës së paraqitjes së të pandehurit ndërsa e dyta pas bojkotit të avokatëve.

Në gjykatën e Fierit ka mbërritur avokati i familjes së Sabrinës i shoqëruar nga familjaret e saj i cili për median është shprehur se burgimi i përjetshëm është i vetmi dënim për autorin e kësaj ngjarjeje.

Edhe pse kundër dënimit me vdekje Vishaj është shprehur se të gjitha provat e dënojnë maksimalisht Elton Metajn.

LEXONI GJITHASHTU:

• Babai i Sabrina Bengës kërkon hetim për gjyqtarët që liruan nga burgu ish-dhëndrin